Жаңалықтар

25.09.2017
Сыбайлас жемқорлықпен күрес - әр адамның парызы

Сыбайлас жемқорлықпен күрестің басты бағыттарының бірі - оның алдын алу болып табылады. Жұмыс барысында 2015-2025 жылдарға арналған сыбайлас жемқорлыққа қарсы стратегиясын ұдайы басшылыққа алынып отырады. Мемлекеттік сатып алу заңына сәйкес материалдық құндылықтар сатып алуда электронды түрде мемлекеттік сатып алудың веб-порталы арқылы жүзеге асырылып отырады. Басқарма қызметшілері әр үш жыл сайын біліктілігін арттыру курстарына барып, білімдерін жетілдіріп отырады, біліктілігін арттыру курстарынан уақытылы өтіп отыру мемлекеттік қызметшілердің құқықтық сауаттылығын арттыруға зор септігін тигізеді деген ойдамыз. Бөлiмiнiң қызмешiлерiнiң жыл сайынғы декларацияларын уақытында тапсыру мәселесi бөлiмiнiң кадрлық қызметiнiң ерекше бақылауында. Сонымен қатар сыбайлас жемқорлықпен пәрменді күресу халықтың құқықтық сауатсыздығын жою, құқықты түсіндіру жұмысының деңгейі мен сапасын арттыру ісінде маңызы зор. Жоспарға сәйкес құқықтық оқулар өз деңгейінде жүргізілуде. Ағымдағы жылдың 2-жарты жылдығы бойынша басқармаға жеке және заңды тұлғалардан 25 өтініш келіп түскен.
22.09.2017
Қазақстан халықтары тілдері күніне арналған шара өтті

Қазақстан Республикасы Президенті Нұрсұлтан Назарбаевтың Жарлығымен қыркүйек айының үшінші жексенбісі - Қазақстан халқы тілдерінің күні болып жарияланды. Биылғы жылы Елбасының бастамасымен еліміз жаңа тарихи кезеңге аяқ басты. Халықтың бәсекеге қабілеттілігі, табыстарға жетуі – оның салт-дәстүрі, тілі, тарихы, мәдениеті, нығайюына байланысты. Соның ішінде тіл – ұлттық бірегейлік негіздерінің басты элементтерінің бірі. Аталмыш мереке аясында Ақтөбе облысының тілдерді дамыту басқармасының ұйымдастыруымен «Рухани жаңғыру тетігі - тіл» атты салтанатты шара өткізілді. Шараның мақсаты Жыл бойы атқарылған жұмысты қорытындылау, қоғамдық келісім мен қазақстандық патриотизмді нығайту факторы ретінде қазақ тілінің мәртебесін көтеру, этностардың ана тілін дамытуды қолдау. Шара барысында жыл бойы мемлекеттік тіл саясатының жүзеге асырыуына елеулі үлес қосқаны үшін тағайындалған номинация иегерлері марапатталып, облыс әкімінің алғысхаты мен ақшалай сыйлығына ие болды. Оларды арасында: «Ана тілдің абызы» номинациясы бойынша ұзақ жылғы қазақ журналистикасы мен көсемсөзінің дамуына, өлеңдері арқылы ұлттық рух пен ұлттық құндылықтарды жырға қосып, ұрпақ тәрбиесіне қосқан үлесі үшін ақын, публицист, Қазақстанның құрметті журналисі, республикалық «Адырна» журналының бас редакторы Мейірхан Ақдәулетұлы, «Тілдің туын көтерген» номинациясы бойынша бұқаралық ақпарат құралдарында мемлекеттік тілді және ұлттық құндылықтарды насихаттағаны үшін «Актюбинский вестник» газетінің журналисі Жанат Тағыбергенқызы Сисекенова, «Мемлекеттік тіл - мерейім» номинациясы бойынша мемлекеттік тілді еркін меңгеріп, өз қызметінде табысты қолдана білгені үшін Ақтөбе облысының төтенше жағдайлар департаментінің «Өрт сөндіру және авариялық-құтқару жұмыстары қызметі» ММ басқару аппаратының қызметкері Оксана Эльдаровна Супрун, «Семсер сөздің төресі» номинациясы бойынша айтыс өнерінде жас буын ретінде өзін көрсете біліп, үлесін қосып, өзіндік үнімен, дара жолымен келіп, серпін тудырғаны үшін айтыскер ақын, Қ.Жұбанов атындағы Ақтөбе өңірлік мемлекеттік университетінің студенті Жақсылық Әлихан Нұрбергенұлы Жақсылық, «Тілдарын» номинациясы бойынша - қазақ, орыс, ағылшын тілдерін меңгеріп, жетістікке жеткені үшін Ақтөбе облысының Ішкі істер департаментінің кадр жұмысы басқармасының инспекторы, полиция аға лейтенанты Бауыржан Айтбайұлы Максимов т.б. бар.
20.09.2017

20.09.2017
«Қате жарнамаға жол жоқ!» акциясы

Қазақстан Республикасы халқы тілдері күні мерекесі қарсаңында 18-22 қыркүйек аралығында Ақтөбе облыстық тілдерді дамыту басқармасының тапсырысымен «Жас Отан» жастар қанаты Ақтөбе облыстық филиалының ұйымдастыруымен облыс жастарының арасында «Қате жарнамаға жол жоқ!» атты акция өткізуде.
14.09.2017
Орыс тілді азаматтардың арасында мемлекеттік тілді насихаттау мақсатында «Қазақстанның болашағы - қазақ тілінде» кешенді шаралары өткізіледі

Ақтөбе облысының тілдерді дамыту басқармасының ұйымдастыруымен «Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасы» аясында орыстілді азаматтардың мемлекеттік тілді меңгеруге деген құлшынысын жандандыру және сөйлеу мәдениетінің деңгейін арттыру, сонымен бірге Елбасы Н. Назарбаевтың «Болашаққа бағдар: рухани жаңғыру» бағдарламалық мақаласында атап көрсетілген қазақ тілін латын қарпіне көшіру және Қазақстан Республикасы Президенті Әкімшілігінің ағымдағы жылдың наурыз айында берілген ономастика саласына қатысты тапсырмасын түсіндіру мақсатында орыс тілді азаматтардың арасында мемлекеттік тілді насихаттау аясында «Қазақстанның болашағы - қазақ тілінде» кешенді шаралары өткізіледі. Жобаның өзектілігі: Мемлекет басшысы Н.Ә.Назарбаев: «Біз барша қазақстандықтарды біріктірудің басты факторы болып табылатын қазақ тілінің одан әрі дамуы үшін барлық күш-жігерімізді салуымыз керек. Сонымен бірге елімізде тұратын барлық халықтардың өкілдері ана тілдерінде еркін сөйлей, оқи алуына, оны дамытуға қолайлы жағдай тудыру қажет» деп атап көрсеткен болатын. Осы ретте мемлекеттік тілді насихаттау өзекті болып қала береді.
12.09.2017
«Рухани жаңғыру» бағдарламасының «Латын графикалық жүйеге көшу» 6-бағытын жүзеге асыру мақсатындағы жобалық кеңсе қызмет істеуде

Ақтөбе облысының тілдерді дамыту басқармасының «Рухани жаңғыру» бағдарламасының «Латын графикалық жүйеге көшу» 6-бағытын жүзеге асыру мақсатындағы жобалық кеңсе өз жұмысын бастады. Жобалық кеңсенің мақсаты: «Рухани жаңғыру» бағдарлама-сының «Латын графикалық жүйеге көшу» 6-бағытын тиімді, әрі сапалы жүзеге асыруды ұйымдастыру жолдарын айқындау және қолдану. Міндеттері: Латын графикасына көшуді ел iшiнде жан-жақты насихаттау; Елбасының «Рухани жаңғыру» мақаласында баяндалған латын графикасын оқыту, үйрету, енгізу, түсіндіруге бағытталған шаралар жүйесін жүзеге асыру. ЖОБАЛЫҚ КЕҢСЕНІҢ МАҚСАТ-МІНДЕТТЕРДІ ШЕШУГЕ БАҒЫТТАЛҒАН ЖҰМЫС БӨЛІНІСІНІҢ АЛГОРИТМІ:1. Өткізілетін іс-шараларды жоспарлау, жүзеге асыру;
11.09.2017
Латын әліпбиінің бірыңғай нұсқасы таныстырылды

Бүгін Парламенттің бірлескен отырысында қазақ әліпбиін латын қарпіне көшіру мәселесі қаралды. Отырыста баяндама жасаған Ш.Шаяхметов атындағы республикалық орталықтың директоры Ербол Тілешов латыншаға көшудегі қазақтың төл дыбыстарын қолдануды түсіндіріп берді. Қазақ әліпбиінің латын графикасындағы нұсқасын дайындау бойынша әртүрлі сала мамандарынан, мекемелерден көптеген ұсыныстар болды. Мемлекеттік тілдің бірыңғай стандартты әліпбиінің нұсқасын таңдауда ең алдымен ғылыми принциптер негізге алынды. Соның нәтижесінде қазақ тілінің дыбыстық жүйесіне, жалпы әліпби түзудің теориясы мен практикасына құрылған нұсқа таңдап алынды. Біз латын әліпбиіне көшу бойынша комиссия мүшелері ақылдаса келіп 25 дыбыстан тұратын әліпби нұсқасын жасап шықтық. Онда қазақтың ң, қ, ғ, ө, ә қатарлы дыбыстық таңбаларын латын әліпбиінде қалай жазылатындығы көрсетілді. Мысалы ә – ае, ө – ое, ғ – gh, ч – ch, ж – zh, ш – sh, ү – ue түрінде қолданлуы қиындық тудырмайды» – деді Ербол Тілешов.
07.09.2017
Мемлекеттік тілді қашықтан үйрен

www.til-aktobe.kz» сайты қазақ тілін өз бетінше үйренуді қашықтан оқуға мүмкіндік береді. Мемлекеттік тілді тегін әрі ыңғайлы уақытта үйренгісі келетін әрбір тіл үйренуші үшін қазақ тілін меңгертудің қарапайым –А1,базалық – А2, орта – В1 деңгейлеріне арналған сабақтар циклы енгізілген. Курстың қатысым тақырыптары күнделікті өмірдің негізгі салаларын қамтиды, ал лексика-грамматика, оқылым блоктарында жинақталған 205 тест тапсырмалары алған білімдерін тексеруге мүмкіндік береді. «Тағылым», «Шежіре» блоктарында тіл үйренуші қазақ халқының кең таралған салт-дәстүрімен таныса алады. Қазақ тілін одан әрі тереңірек үйренуді мақсат еткен тіл үйренушілер үшін қазақ тілін меңгертудің орта – В1 деңгейіне арналған «Тіл ордасы» бейнесабақтар циклы енгізілген.
06.09.2017
Мәжілісте қазақ тілінің латын әліпбиіне көшу туралы тыңдау өтеді

Мәжілісте «Мемлекеттік тілдің латын графикасындағы әліпбиінің бірыңғай стандартын енгізу мәселелері туралы» парламенттік тыңдау өтеді. Парламент мәжілісі баспасөз қызметінің мәліметіне сүйенсек, Парламенттік тыңдауға Мәжіліс төрағасы Нұрлан Нығматуллин, Премьер-Министрдің орынбасары Ерболат Досаев, Сенат және Мәжіліс депутаттары мен мемлекеттік органдардың өкілдері қатысады деп күтілуде.«Рухани жаңғыру» бағдарламасы аясында Қазақстан Республикасы Президентінің жанындағы Қоғамдық сананы жаңғырту бағдарламасын іске асыру жөніндегі ұлттық комиссияның жұмыс тобының ұсыныстарын талқылау қарастырылады.Талқылауға сондай-ақ, әліпби жобасын әзірлеуші А. Байтұрсынов атындағы тіл білімі институтының және Ш. Шаяхметов атындағы тілдерді дамытудың республикалық үйлестіру-әдістемелік орталығының басшылары, жоғары оқу орындарының ректорлары, ғылым және мәдениет қайраткерлері, ғалымдар мен сарапшылар, оның ішінде шетелдіктер, қоғамдық ұйымдар мен бұқаралық ақпарат құралдарының өкілдері шақырылды.
04.09.2017
Облысты сот мамандары мемлекеттік тілді оқыту курсын аяқтады

Оқыту нәтижесінде тыңдаушыларға сертификаттар салтанатты түрде табысталды. Қорыта айтқанда, Елбасымыздың «Әр мемлекеттік қызметші мемлекеттік тілді білуі қажет», «Қазақстанның болашағы - қазақ тілінде» деген қанатты сөзін әр азамат, әр мекеме, әр ұйым басты мақсатқа айналдырғанда ғана біз мемлекеттік тілімізді барша халықты біріктіретін тілге айналдыра аламыз. Бұл ретте мемлекеттік тілді үйрететін курстардың атқаратын рөлі орасан зор.
04.09.2017
Журналдың мақсаты - үш тілді меңгерту

"Күншуақ" журналы - үш тілде шығатын және облысқа тарайтын балалар басылымы.Әсем безендірілген суреттерімен, шығармаларымен, ғылым мен ғаламның қызықты деректерімен жас бүлдіршіндерді сиқырлы әлемге жетелейтін журнал. Оның өзектілігі – балалардың кітап оқуға деген құмарлығын арттырып, мәдениетті болып өсуіне тәрбие береді, жалпы рухани дүниесін байыта түсуге ат салысады, тілдерді үйренуіне ықпал етеді. Журнал оқушылардың шығармашылығын насихаттайды, талантты балалардың жан-жақты көрінуіне де қолдау көрсетеді. Ендеше, журналмен бірге болыңыз!
31.08.2017
Балаларға базарлық

Ақтөбе облысының тілдерді дамыту басқармасы тапсырысымен шығатын «Күншуақ» журналының 3-саны жарық көрді. Журнал беттерінде әр түрлі жұмбақтар, ой-өрісті дамытатын қызықты ойындар, тапқырлықты талап ететін түрлі тапсырмалар, таңғажайып ертегілер, балалар жазушыларының үздік шығармалары, қазақ, орыс, ағылшын тілдерін үйрететен сабақтар жарияланды. БӘРІМІЗ БІРГЕ ОҚИЫҚ, ДОСТАР!
29.08.2017
Қазақстан халқы тілдері күніне орай өткізілетін іс-шаралар

Қыркүйек айының үшінші жексенбісі - Қазақстан халқы тілдері күні. Жыл сайын бұл мерекені Қазақстанда тұратын ұлт өкілдері мен ұлыстар тойлап келеді. Атап айтқанда, Қазақстанда 100-ден асатын ұлттардың біразында өз тілдерін оқытатын мектептері бар және оларды мәдени-рухани қолдау бағытында Қазақстан халқы Ассамблеясы да жұмыс істеп тұр. Алайда бір күннің ішінде, әрине, Қазақстан Республикасының аумағында тұрып жатқан ондаған халықтардың бұл бағыттағы жетістіктерін көрсету мүмкін емес. Сондықтан барлық облыстарда тілдер апталықтары, онкүндіктері, айлықтары, фестивальдары өтеді. Ақтөбе облысының тілдерді дамыту басқармасының ұйымдастыруымен мереке қарсаңында түрлі шаралар ұйымдастырылады. Атап айтқанда, түрлі сала қызметкерлері арасында байқаулар, тілді дамыту бағытындағы түрлі акция, байқау, кездесі, жиын, пікірталас турнирі өтеді. 
28.08.2017
Ілеспе аударманың әлеуеті жоғары

Мәдениет және спорт министрлігі Тілдерді дамыту және қоғамдық-саяси жұмыс комитетінің ұйымдастырумен «Ілеспе аударма шеберлік сабақтары» шарасы өтті. Шеберлік сабақтары шеңберінде ілеспе аударманың теориялық мәселелері, негізгі бағыттары және теориялық білімді тәжірибе барысында нәтижелі қолданылуына баса назар аударылды.«Ілеспе аударманың шеберлік сабақтары» шарасының басты мақсаты-аудармашылардың техникалық құралдарды дұрыс пайдалану арқылы шеберліктерін қалыптастыру және біліктілігін арттыру болып табылады. Шеберлік сабағына республикамыздың түкпір-түкпірінен ғалымдар, сала мамандары, министрліктер мен әкімдіктің, тілдерді дамыту басқармаларының, мемлекеттік және үкіметтік емес ұйымдардың аудармашы мамандары қатысып дәріс алды. Аталмыш шараға Ақтөбе облысынан Тілдерді оқыту орталығының директоры Клара Серғазина мен Ақтөбе облысының статистика департаментінің бас маманы Айгүл Қашкенова қатысып, сертификатқа ие болды.
25.08.2017
Тілге арнау өлеңдерге жарияланған конкурстың уақыты ұзартылды

Ақтөбе облысының тілдерді дамыту басқармасы 29 жасқа дейінгі жас ақындар арасында 15 тамыз - 15 қыркүйек аралығында тілге арнау өлеңдерге конкурс жариялайды. Конкурстың мақсаты: жас таланттарды қолдау, өлең құдіреті арқылы мемлекеттік тілдің мәртебесін көтеру. Конкурс шарты: 1. @aktobe_tilder парақшасына тіркеліңіз және белгілеңіз, конкурс аяқталғанға дейін парақша ашық болуы тиіс; 2. Өз парақшаңызда осы пост репост жасалып, 5 досыңызды белгілеңіз; 3. Міндетті түрде #Тілімтірегім хэштегін белгілеңіз; 

Беттер