Жаңалықтар

14.03.2018
«ТІЛДАРЫН» РЕСПУБЛИКАЛЫҚ ОЛИМПИАДАСЫ

1. Жалпы ережелер
1. «Тілдарын» республикалық олимпиадасы үштілділікті енгізу қағидаларын ынталандыруға бағытталған.
2. Олимпиада өткізудің мақсаттары:
1) үш тілді қазақ, орыс және ағылшын тілдерін жетік меңгерген дарынды жастарды анықтау және қолдау;
2) қазақстандық патриотизмді нығайту, тілдік мәдениетті тәрбиелеу, өзге халықтардың тілі мен мәдениетін құрметтеуді қалыптастыру.
3. Олимпиада қазақ, орыс және ағылшын тілдерінде өтеді.
4. Олимпиада екі кезеңнен тұрады:
1) Бірінші кезең – облыстарда және Астана, Алматы қалаларында 2018 жылдың 15 қыркүйегіне дейін өткізіледі;
2) Екінші кезең – республикалық олимпиада, 2018 жылғы қазан-қараша айларында Петропавл қаласында өткізіледі.
5. Олимпиадаға 18-22 жас аралығындағы Қазақстан Республикасының азаматтары болып табылатын бірінші іріктеу кезеңінің жеңімпаздары қатыса алады.
6.Бірінші іріктеу кезеңінің жеңімпаздарын анықтайтын қағидасын облыстардың және Астана, Алматы қалаларының жергілікті атқарушы органдары осы Қағиданы негізге алып әзірлейді және бекітеді.
13.03.2018
«ТІЛ ШЕБЕРІ - 2018»ЖАС МЕМЛЕКЕТТІК ҚЫЗМЕТШІЛЕР АРАСЫНДА ӨТКІЗІЛЕТІН РЕСПУБЛИКАЛЫҚ КОНКУРС

1. Жалпы ережелер
1. «Тіл шебері - 2018» жас мемлекеттік қызметшілер арасында республикалық конкурсы (бұдан әрі – конкурс) Мемлекеттік қызметші күніне орайластырылып өткізіледі.
2. Конкурсты өткізудің мақсаттары:
1) үш тілді қазақ, орыс және ағылшын тілдерін жетік меңгерген жас мемлекеттік қызметшілерді анықтау және қолдау;
2) тіл мәдениетін көтеру;
3) үштілділікті насихаттау.
3. Конкурс қазақ, орыс және ағылшын тілдерінде өтеді.
4.Конкурсқа орталық мемлекеттік органдардың 21-29 жас аралығындағы мемлекеттік қызметшілері қатыса алады.
5. Алдыңғы конкурстардың бас жүлде және І орын жеңімпаздары қатыстырылмайды.
12.03.2018
«МЕМЛЕКЕТТІК ТІЛ ЖӘНЕ БАҚ» РЕСПУБЛИКАЛЫҚ КОНКУРСЫ

1. Жалпы ережелер
1. «Мемлекеттік тіл және БАҚ» республикалық конкурсы Қазақстан Республикасы Байланыс және ақпарат қызметкерлерінің күніне орайластырылып өткізіледі.
2. Конкурсты өткізудің мақсаты: мемлекеттік тіл саясатын бұқаралық ақпарат құралдарында насихаттау, қазақтілді контентті арттыру және мемлекеттік тілдің қолдану аясын кеңейту болып табылады.
3. Конкурс төрт номинациядан тұрады:
1) «Үздік мақала»;
2) «Үздік телебағдарлама»;
3) «Үздік радиобағдарлама»;
4) «Үздік сайт мақаласы».
4. Конкурсқа мемлекеттік тілді дамыту, насихаттау, оның қолданыс аясын арттыру бойынша БАҚ-та материалдар жариялаған журналистер қатыса алады.
5. Алдыңғы конкурстардағы бас жүлдемен марапатталған жеңімпаздар конкурсқа қатыстырылмайды.
06.03.2018
Жаңа әліпби – жаңа дәуір бастауы

"Ақтөбе облысының тілдерді дамыту басқармасы" ММ "Тілдерді оқыту орталығы" КММ ұйымдастыруымен ІІМ Ақтөбе облысының Ішкі істер департаменті қызметкерлеріне «Жаңа әліпби – жаңа дәуір бастауы» ақпараттық-түсіндіру сағаты болып өтті. Ақпараттық түсіндіру сағатында департамент қызметкерлеріне латын әліпбиінің жаңа нұсқасы және латын графикасына кезең-кезеңмен көшіру бойынша іс-шаралар жоспары таныстырылды. Сонымен қатар, курс тыңдаушылары қазақ тілінің жаңа әліпбиі негізінде шағын мәтін жазып, жазу дағдыларын байқап көрді.
05.03.2018
АБАЙ АТЫНДАҒЫ КӨРКЕМСӨЗ ОҚУ ШЕБЕРЛЕРІНІҢ РЕСПУБЛИКАЛЫҚ КОНКУРСЫ

1. Жалпы ережелер
1. Абай атындағы көркемсөз оқу шеберлерінің республикалық конкурсы (бұдан әрі – конкурс) Қазақстан халқы тілдер күніне орай бағытталған.
2. Конкурсты өткізудің мақсаттары:
1) мемлекеттік тілдің қолданылу аясын кеңейту;
2) тіл мәдениетін көтеру;
3) көркем әдебиетті насихаттауды жандандыру;
4) талантты жастарды табу.
3. Конкурс мемлекеттік тілде өтеді.
4. Конкурс екі кезеңнен тұрады.
1) Бірінші кезең – облыстарда және Астана, Алматы қалаларында 2018 жылдың 10 шілдесіне дейін өткізіледі.
2) Екінші кезең – республикалық конкурс, Солтүстік Қазақстан облысында 2018 жылғы тамыз айында өткізіледі.
5. Конкурсқа 17-29 жас аралығындағы Қазақстан Республикасының азаматтары қатыса алады.
03.03.2018
РЕСПУБЛИКАЛЫҚ «ТЕКТІ СӨЗДІҢ ТӨРЕСІ ­­– ТЕРМЕ» ЖЫРШЫ-ТЕРМЕШІЛЕР БАЙҚАУЫ

Қазақстандықтардың тіл мәдениетін дамыту және ұлттық дәстүр мен өнерді насихаттау негізінде ұйымдастырылатын «ТЕКТІ СӨЗДІҢ ТӨРЕСІ ­­ ТЕРМЕ» жыршы-термешілер байқауының мақсаты:
1) қазақстандықтардың сөйлеу мәдениетін қалыптастыру;
2) жыр, терме жанрын дамыту;
3) жыр, терме жанрын жастардың арасында кеңінен насихаттау.
02.03.2018
МЕМЛЕКЕТТІК ТІЛДІ ОҚЫТЫП, ШЫҒАРМАШЫЛЫҚПЕН ЖҰМЫС ЖАСАП ЖҮРГЕН ОҚЫТУШЫЛАР НАЗАРЫНА!

А.БАЙТҰРСЫНҰЛЫ АТЫНДАҒЫ
РЕСПУБЛИКАЛЫҚ КОНКУРСЫ
Оқытушылар арасындағы А.Байтұрсынұлы атындағы республикалық конкурсы Қазақстан халқы тілдері күні мерекесіне орайластырылып өткізіледі.
Мақсаты: ересектерге мемлекеттік тілді оқытып жүрген шығармашылықпен жұмыс жасайтын оқытушыларды анықтау, қолдау, марапаттау;
Оқытушылардың кәсіби-педагогикалық шығармашылығын және мемлекеттік тілді оқыту үдерісін ынталандыру;
Мемлекеттік тілді оқытудың әдіснамасын жетілдіру;
Озық тәжірибелерін тарату.
01.03.2018
«Қамқорлық» акциясы ұйымдастырылды

«Қайырымдылық жасасаң, қайырымын өзің көресің» – деген екен дана халық. Қайырымдылық – халқымыздың ең ізгі қасиеттерінің бірі. «Жанашырлыққа – жан риза» дегендей қамқорлыққа алынған балалардың жанашыр қамқоршысы болып, аялы алақанын тосып, жүрек жылуын ұсыну – әр адамның азаматтық парызы. Осы орайда Ақтөбе облысының тілдерді дамыту басқармасы Қазақстан Республикасы Білім және ғылым министрлігінің бастамасы негізінде «Қамқорлық» акциясын ұйымдастырды.
28.02.2018
«Латын әліпбиіне көшу – жарқын болашаққа жаңа қадам»

2018 жылғы 28 ақпанда Мәртөк ауданында «ЛАТЫН ӘЛІПБИІНЕ КӨШУ – ЖАРҚЫН БОЛАШАҚҚА ЖАҢА ҚАДАМ» атты семинар болып өтті.
Шараның мақсаты - Латын графикасына көшудің маңыздылығы туралы кеңінен ақпарат тарату, қоғамдық пікір қалыптастыру, танымдылық, білімділік деңгейін көтеру, ой белсенділігін дамыту.
Семинарға мемлекеттік мекеме қызметкерлері, ардагерлер кеңесі, этномәдени бірлестік мүшелері, қазақ тілі пәнінің мұғалімдері, қазақ тілі қоғамдық бірлестігінің мүшелері, бастауыш қазақ тілі ұйымының төрайымдары, кітапхана қызметкерлері және аудандық мекеме басшылары, аудан жастары қатысты.
27.02.2018
Атаусыз көшелерге ұсынылған атаулар сараланды

Бүгінде облыста ономастикалық ахуал қалыпты. Ономастика саласын жүйелендіру мақсатында, әрі қазіргі идеялық көзқарас бойынша көнерген атауларды тарихи және ұлттық танымға жақын дәстүрлі атаулармен өзгерту, кісі есімдерін беруге мейлінше шектеу қою, қоғамда патриоттық рухты нығайту мақсатында жекелеген тарихи тұлғалардың есімдерін ұлықтау бүгінгі күні атау беру ісіндегі негізгі ұстанымдар болып табылады.
Осы орайда Республикалық ономастикалық комиссияның қарауына жолданған 216 көше атауының 205-і оң қорытындысын алған болатын. Қолданыстағы заңнама талаптарына сай атаулар заңды күшіне енуі үшін облыстық маслихатпен келісілуі қажет. Сараптай келе атаулар кезең-кезеңмен ұсынылып, алдымыздағы сессия қарауына 205 атаудың 70-і ғана ұсынылатын болды.
26.02.2018
Ақтөбе қаласындағы облыстық «Арнайы (түзетім) есту қабілеті бұзылған балаларға арналған мектеп-интернат-колледжінде»

Ақтөбе қаласындағы облыстық «Арнайы (түзетім) есту қабілеті бұзылған балаларға арналған мектеп-интернат-колледжінде» «Болашаққа бағдар: рухани жаңғыру» бағдарламалық мақаласының 6-бағыты «Латын графикалық жүйесіне көшу» туралы ақпараттық түсіндіру сағаты болды.
Аталмыш шараға «Тілдерді дамыту басқармасы» жанындағы «Тілдерді оқыту орталығының оқытушысы, «Рухани жаңғыру» жобалық кеңсесінің менеджері Нұрмұхамедова Д.Б., сурдоаудармашы Сансызбаева А.Ә. және мектеп-интернаттың 8 сынып оқышылары мен колледж студенттері, мектеп ұжымы қатысты.
26.02.2018
ҚАЗТЕСТ сынағы аяқталды

Ақтөбе облысының тілдерді дамыту басқармасы Қазақстан Республикасы Білім және ғылым министрлігі Ұлттық тестілеу орталығының қатысуымен 2018 жылғы 22-24 ақпан күндері Ақтөбе қаласында ҚАЗТЕСТ жүйесіне негізделген мемлекеттік тілді меңгеру деңгейін бағалау сынағын өткізді. Ақтөбе қаласы бойынша 2441 адам сынаққа қатысуға үміт білдірді. Диагностикалық тестілеу сынағына мемлекеттік қызметкерлер, білім, денсаулық, құқық қорғау, әскери, халыққа қызмет көрсету саласы қызметкерлері қатысты. Сертификаттық тестілеу сынағына қатысушы 67 адамның құрамында Ақтөбе қаласындағы физика-математикалық бағыттағы Назарбаев Зияткерлік мектебі мұғалімдері мен «KEGOK» АҚ» Ақтөбе ЖЭТ» филиалы қызметкерлері болды.
23.02.2018
«Қазтест» сынағы жалғасуда

Қазақстан Республикасының тілдерді дамыту мен қолданудың 2011-2020 жылдарға арналған мемлекеттік бағдарламасында белгіленген нысаналы индикаторлардың бірі – «Қазтест» жүйесі арқылы анықталатын мемлекеттік тілді меңгерген мемлекеттік қызметшілер мен мемлекеттік қызмет көрсететін ұйымдардағы қызметкерлердің үлесін 2020 жылға дейін В1,С1 деңгейінде кезең-кезеңімен арттыру мақсатында 2018 жылдың 23 ақпан күні Ақтөбе қаласындағы халыққа қызмет көрсету, құқық қорғау саласы, мемлекеттік қызметшілер, азаматтық және әскери сала қызметкерлері арасында қазақ тілін меңгеру деңгейін бағалау жүйесі бойынша диагностикалық және сертификаттық тестілеу өткізілді.
22.02.2018
Ақтөбеде «Қазтест» сынағы

ҚАЗТЕСТ жүйесінде тілдік білімді бағалаудың деңгейлік жүйесі – қарапайым, базалық, орта, ортадан жоғары, жоғары, жетік деңгейлері негізге алынған.
Осы орайда Ақтөбе облысының тілдерді дамыту басқармасының ұйымдастыруымен Қазақстан Республикасы Білім және ғылым министрлігі Ұлттық тестілеу орталығы Ақтөбе қаласында ҚАЗТЕСТ жүйесіне негізделген мемлекеттік тілді меңгеру деңгейін бағалау (диагностикалық) сынағын ұйымдастырды. Диангостикалық тестілеуге әскери сала, төтенше жағдайлар департаменті қызметкерлері, сондай-ақ халыққа қызмет көрсету саласы мамандары, барлығы 200 адам қатысты.
20.02.2018
«Жаңа әліпби – жаңа дәуір бастауы»

2018 жылғы 20 ақпанда Н.Байғанин атындағы облыстық балалар кітапханасында «Жаңа әліпби – жаңа дәуір бастауы» тақырыбында тіл мамандарымен кездесу өткізілді. Кездесуге Қ.Жұбанов атындағы Ақтөбе өңірлік мемлекеттік университетінің оқытушысы, филология ғылымдарының докторы, профессор Исакова С.С., Ақтөбе облыстық тілдерді дамыту басқармасының тілдерді оқыту орталығының оқытушысы, «Рухани жаңғыру» жобалық кеңсесінің менеджері Нұрмұхамедова Д.Б., Ақтөбе облыстық мемлекеттік архивінің қызметкері Ешмұратова Б. және № 6, № 61 мектептің жоғары сынып оқушылары мен қазақ тілі мен әдебиет пәнінің мұғалімдері, кітапханашылар қатысты.

Беттер