Жаңалықтар

16.04.2018
«Ән дарыған далада, шыңға айналған Астанам!» атты республикалық ақындар айтысы

«Нұр Отан» партиясы Ақтөбе облыстық филиалы, Ақтөбе облысы әкімдігінің қолдауымен Ақтөбе облысының тілдерді дамыту басқармасы биыл төртінші жыл республикалық ақындар айтысын өткізуді дәстүрге айналдырып келеді. Осы жылы қала тұрғындары мен қонақтарына арнап, Әбілқайыр ханның 325 жылдығына, Астана қаласының 20 жылдығына «Ән дарыған далада, шыңға айналған Астанам!»
атты республикалық айтысын өткізеді. Жыр додасына өлең құдіретінің құпиясы мен құт ұясын қанында, қаламында ойнатқан, шалқар шабыт иесінің есімін арқалаған Ринат Зайытов, Дидар Қамиев, Төлеген Жаманов, Иран-Ғайып Күзенбаев, Өміржан Көпбосын, жерлестеріміз Ершат Қайболдин, Марат Ахметов, Жәнібек Бейбітов, Әлихан Жақсылық, Қайырхан Жұбаниязов, Нартай Тілеуқұл қатысады деп күтілуде.
13.04.2018
«ҚАЗАҚ ЖАЗУЫН ЛАТЫН ӘЛІПБИІНЕ АУЫСТЫРУДЫҢ ҚАЖЕТТІЛІГІ»

«Ақтөбе облысының тілдерді дамыту басқармасы» ММ «Тілдерді оқыту орталығы» КММ және Алға ауданы, Бестамақ ауылдық мәдениет үйі басшылығының ұйымдастыруымен 2018 жылдың 12 сәуірі күні Қазақстан Республикасының Президенті Н.Назарбаевтың «Болашаққа бағдар: рухани жаңғыру» бағдарламалық мақаласында көрсетілген 6-бағыт «Латын графикалық жүйеге көшуді» жүзеге асыруда «Қазақ жазуын латын әліпбиіне ауыстырудың қажеттілігі» тақырыбында дөңгелек үстел болып өтті.
12.04.2018
ЖАЗУ РЕФОРМАСЫ: КІРМЕ ТАҢБАЛАРДЫҢ ОҚУ-ӘДІСТЕМЕЛІК ТАЛДАНЫМЫ(тіл бұзар әріптер

Ә.Жүнісбек, А.Байтұрсынұлы атындағы
Тіл білімі институтының бас ғылыми қызметкері,
филология ғылымдарының докторы, профессор
Өтпелі дәуір кезіндегі кез-келген ауқымды шара, ол экономикалық шара болсын, әлеуметтік шара болсын, елді бір дүрліктірмей қоймайды. Өйткені ондай шараның, жұртшылық жаппай қатыспаса да, өз жақтаушылары мен қарсыластары болады. Әліпби ауыстыру мәселесі де осы жайды басынан кешіріп отыр. Сондықтан оған таң қалуға болмайды, тек оның себебін дұрыс түсінуге тырысуымыз керек.
Ендеше бұл бағыттағы шараны тек әліпби ауыстыру деп қарамай, кең қамтып, жазу реформасына айналдыру қажет. Сондықтан әңгімені тек әліпби ауыстыру төңрегінде ғана қалдырмай немесе бір таңбаны екінші таңбаға қалай ауыстырамыз дегенге ғана саймай, жазу төңрегіндегі өзге де мәселелерді қамтып отыру керек болады.
Қазіргі әліпбиімізді «қазақ әліпбиі» деп атаудың еш реті жоқ. Өйткені ол «қазақ әліпбиі» емес, «қазақ-орыс әліпбиі», тіптен ақиқатын айтып «орыс-қазақ әліпбиі» десе де болады. Өйткені әліпбиіміз бір тілдің емес, әлдеқашан қос тілдің әліпбиі болып орнығып алды.
09.04.2018
«Ән дарыған далада, шыңға айналған Астанам» республикалық ақындар айтысы

Үстіміздегі жылдың 19 сәуірінде айтыс өнерін мәдениетіміздің баға жетпес асыл мұрасы ретінде жастарға, өскелең ұрпаққа жеткізу, айтыскерлер арқылы тәуелсіздік идеясын, елдегі халықтар достығын, береке-бірлікті және саяси тұрақтылықты, облыс жетістіктерін дәріптеу мақсатында «Ән дарыған далада, шыңға айналған Астанам» республикалық ақындар айтысы өтеді.
Елбасы Н.Назарбаев «Болашаққа бағдар: рухани жаңғыру» мақаласында «... ұлттық мәдениет сақталмаса, ешқандай жаңғыру болмайды» деп, халық өнеріне деген құрмет, ұлттық құндылықтармен сусындаудың маңыздылығын атап көрсеткен болатын. Сонымен қатар, Қазақстан халқы Ассамблеясының XXV сессиясында «Айтыс – біздің тамырымыз, дәстүріміз, менің мақалама бұл да кіреді. Меніңше, айтыстар облыстарда өтсе, сосын оның жеңімпаздарын республика бойынша көрсетсек. Әніне сөзі сай болса деймін» деп, айтысқа қолдау көрсетудің маңыздылығын атап көрсетті.
06.04.2018
Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің жұртшылықпен байланыс жөніндегі департаментінің директоры Арман Бердалин Ақтөбе облысының жергілікті және орталық атқарушы органдарының мемлекеттік қ

Бүгін, яғни 4 сәуірде Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің жұртшылықпен байланыс жөніндегі департаментінің директоры Арман Бердалин Ақтөбе облысының жергілікті және орталық атқарушы органдарының мемлекеттік қызметшілерімен кездесті.
Кездесу барысында А.Бердалин мемлекеттік қызметтің заманауи ахуалы жайында, мемлекеттік қызметшілер үшін сынамалы тәртіпте еңбекақы төлеудің жаңа жүйесі, сыбайлас жемқорлықтың алдын-алу, мемлекеттік көрсетілетін қызметтердің электронды үлесін арттыру және қызметшілердің әдеп қағидаларын сақтау мәселелері жайында сөз қозғады.
05.04.2018
Ортақ тақырып - орамды ойлар

«ОНОМАСТИКА: ІЗДЕНІС ПЕН ТӘЖІРИБЕ» тақырыбында болып өткен халықаралық ғылыми-практикалық конференцияда жан-жақтан келген ғалымдар өз баяндамаларына ономастика мәселесін арқау етті.
Жиынды белгілі Абайтанушы-ғалым, ф.ғ.д., профессор, ҚР Мемлекеттік сыйлығының және Халықаралық Түрік еліне қызмет сыйының лауреаты, М.Әуезов атындағы ОҚО Университетіндегі «Гуманитарлы ғылымдар ғылыми зерттеу институтының» директоры Мекемтас Мырзахметұлы«Жаңа дүниетаным және ономастика мәселелері» атты баяндамасымен бастап, ономастиканы жаңашыл тұрғыдан қарау, халқымыздың жоғалған тарихи жады мен тарихи санасын қайтарып, табиғи бастапқы қалпына келтірудегі күрес пен насихатты толассыз жүргізу идеясын ұсынды.
04.04.2018
ӘЛІПБИ ТАҢДАУ: ТІЛ ТАБИҒАТЫН САҚТАУ, ТҮРКІЛІК ТҰТАСТЫҚ ЖӘНЕ ӘЛЕМДІК АҚПАРАТТЫҚ КЕҢІСТІК

Қазіргі кезде қоғамның барлық саласы дерлік латын әліпбиіндегі таңбалармен жақсы таныс деуге боларлық. Айталық, мектеп оқушысы бастауыш сыныптан бастап-ақ латын әліпбиі негізіндегі ағылшын немесе француз, неміс тілдерін оқиды, одан жоғарылай келе бірліктері осы әліпбидегі физиканы, периодтық жүйесі латыншамен берілген химияны, өсімдіктер мен хайуанаттар әлемінің атаулары тағы да осы әліпбимен таңбаланған биологиялық пәндермен танысады. Химиядағы Менделеевтің периодтық кестесі, физикадағы халықаралық бірліктердің СИ жүйесі, барлық математикалық шартты белгілер мен теңдеулер латын таңбаларымен берілген. Ендеше, орта мектепті бітіргендердің баршасы латын таңбаларымен әлденеше рет кездесіп, оларға көздері әбден үйреніскен. Бұған қоса, күнде тұтынып жүрген тұрмыстық заттарымыздың барлығы дерлік шетелдің дүниелері. Олардағы жазулардың баршасы да латын таңбаларымен жазылған.
03.04.2018
«КӨПШІЛІК АЛДЫНДА СӨЗ СӨЙЛЕУДІ ҮЙРЕТУ ЖОЛДАРЫ»

Ағымдағы жылдың 3 сәуір күні «Ақтөбе облысының тілдерді дамыту басқармасы» ММ «Тілдерді оқыту орталығы» КММ ұйымдастыруымен Алға аудандық Мәдениет үйінде «Көпшілік алдында сөз сөйлеуді үйрету жолдары» тақырыбында семинар-тренинг өтті.
03.04.2018
«ҚАЗАҚША-ОРЫСША, ОРЫСША-ҚАЗАҚША ІЛЕСПЕ АУДАРМА ЖАСАУДЫ ҮЙРЕТУ ЖӘНЕ ТҰЛҒАЛЫҚ ӨСУ»

2018 жылдың 2 сәуірі күні «Ақтөбе облысының тілдерді дамыту басқармасы» ММ «Тілдерді оқыту орталығы» КММ Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасы аясында мемлекеттік тілдің қолданыс аясын кеңейту, ілеспе аудармашылардың біліктілігін арттыру мақсатында біліктілікті арттыру курсын бастады.
30.03.2018
Халықаралық ғылыми-практикалық конференция өтті

Ақтөбеде 2018 жылғы 29 наурызда «ОНОМАСТИКА: ІЗДЕНІС ПЕН ТӘЖІРИБЕ» тақырыбында халықаралықғылыми-практикалық конференциясы болып өтті. Ақтөбе облысы әкімдігі,«Нұр Отан» партиясы Ақтөбе облыстық филиалы, Қ.Жұбанов атындағы Ақтөбе өңірлік мемлекеттік университетінің қолдауымен, Ақтөбе облысының тілдерді дамыту басқармасы ұйымдастырған бұл шараның негізгі мақсаты Елбасының «Болашаққа бағдар: рухани жаңғыру» бағдарламалық мақаласында көрсетілген міндеттердің бірі ұлттық кодтың негізі ұлттық мәдениетті, және оның ажырамас бөлігі ұлттық атауларды зерделеу, насихаттау, әлемдік деңгейдегі ғалымдардың аталмыш тақырыптардағы көзқарастары мен ғылыми ізденістерін тыңдау, заманауи ғылыми ақпаратпен алмасу, ономастиканыңҚазақстандағы және шет мемлекеттерде тұратын әр түрлі ұлт өкілдерінің тарихи және мәдени қоғамдастығы мен жаңа әлеуметтік шындық тұрғысынан салыстырмалы зерттелуіне жағдай жасау және дамыту.
30.03.2018
«ЛАТЫНҒА КӨШУ: ТӘЖІРИБЕ, ПРОБЛЕМАЛАР, ОЛАРДЫ ШЕШУ ЖОЛДАРЫ»

2018 жылғы 29 наурызда «Нұр Отан» партиясы Ақтөбе облыстық филиалының, Ақтөбе облысы әкімдігінің қолдауымен, Ақтөбе облысының тілдерді дамыту басқармасының ұйымдастыруымен «ЛАТЫНҒА КӨШУ: ТӘЖІРИБЕ, ПРОБЛЕМАЛАР, ОЛАРДЫ ШЕШУ ЖОЛДАРЫ» тақырыбында халықаралық ғылыми-практикалық конференциясы болып өтті.
20.03.2018
НАУРЫЗ МЕЙРАМЫ ҚҰТТЫ БОЛСЫН!

Тарихи тамыры тереңге бойлаған әз-Наурыз дана халқымызда қай кезде де еңсесі биік елдіктің іргесі сөгілмес бірліктің, ырыс пен ынтымақтың мерекесі болып келген. Қазақстан халқы үшін Наурыз мейрамы – көктем мен жаңаруды айшықтайтын мерейі тасыған ұлы мереке.
16.03.2018
Латын графикасына көшу – уақыт талабы

Қазақ тілін үйренуге мүдделі барлық тұлғаларға кеңінен мемлекеттік қолдау көрсету мақсатында Ақтөбе облысының тілдерді дамыту басқармасының Тілдерді оқыту орталығы ағымдағы жылдың ақпан айынан бастап тіл оқыту курстарымен облыстың бірқатар мекемелерін қамтыды. Солардың қатарында М.Оспанов атындағы Батыс Қазақстан мемлекеттік медицина университеті, Ақтөбе қаласы ішкі істер басқармасы, ҚР Ішкі істер министрлігінің Төтенше жағдайлар Комитетінің Ақтөбе облысы Төтенше жағдайлар департаменті бар. Аталған мекеме қызметкерлеріне мемлекеттік тіл және ағылшын тілі оқыту курстарында " Латын графикасына көшу – уақыт талабы" тақырыбында дәрістер оқылды. Дәріс барысында Елбасы Н.Ә.Назарбаевтың "Болашаққа бағдар: рухани жаңғыру" мақаласында бастама алған қазақ тілі әліпбиін кезең-кезеңімен латын графикасына көшіру туралы мәліметтер айтылды.
15.03.2018
«Латынға көшу: тәжірибелер, проблемалар оны шешу жолдары», «Ономастика: тәжірибе және ізденіс»

2018 жылдың 29 наурызында Тілдерді дамыту мен қолданудың 2011-2020 жылдарға арналған мемлекеттік бағдарламасы және «Болашаққа бағдар: рухани жаңғыру» бағдарламасының аясында «Латынға көшу: тәжірибелер, проблемалар оны шешу жолдары», «Ономастика: тәжірибе және ізденіс» тақырыптарында халықаралық ғылыми-практикалық конференциялар өткізу жоспарланып отыр. Аталмыш шарада жақын, алыс шетелдерден келген және қазақстандық ғалымдар бас қосады.

Беттер